Anekdoot: sul peäss kotun üts püss olõma?

Vinne aol, ku päälekaibamine õga seltsimehe aukohus oll, andsõ üts miis teedä', et naabrimehel om kotun püss är' käkitü.

Ilda õdaku astsõva KGB-mehe' tarrõ, peremiis sei lavva takan suppi.

KGB-mehe' küssevä: "Sul peäss kotun üts püss olõma?"

Peremiis kitse vasta: "Peäss jah!" ja sei suppi edesi.

Selge, esi' tunnist üles! Otsiti tarõ läbi, a püssä es leütä.

Kärätäti peremehele: "Sul peäss kotun üts püss olõma!"

Peremiis vasta: "Peäss jah!!!" ja sei suppi edesi.

No selge sõnaga ütel, et om püss! Kääneti kõik tarõ ja tarõpääline pahildõ, a püssä iks es leütä.

KGB-mehe' olli joba õigõ vihatsõ ja trampsõva söämetävvegä peremehele õkva nõna ala': "Kulõ, miis, sul peäss kotun üts püss olõma!"

Peremiis saistas pistü ja kärät: "Peäss jah! Vahel om sääne tunnõ, et õkva kuulipildja peäss kotun olõma!"